Филолог мамандығы студенттеріне, магистранттарға, әдебиет тарихы және әдістемемен қызығушыларға арналады. Бұл еңбекте ұзақ жылдардан бері ғалымның зерттеп жүрген дастан жанрының қалыптасуы, дамуы, дәстүрлі мотивтердің трансформациясы, кейіпкерлер жүйесі және дәстүр жалғастығы, қазақ халық дастандарының әлемге танылу мәселесін қарастырған таңдаулы мақалалары орын алған. Сондай-ақ қазақ әдебиеті тарихында орны бөлек Абай, Дулат, Шортанбай, Мұхтар Әуезовтердің мұрасының тәрбиелік, жаңашылдық сипаттары мен мәдениетіміз тарихында ерекше атқарған ролін айқындайтын мақалалар енген. Әр жылдары жазылған оқу-әдістемелік мақалалары оқыту жүйесіндегі жаңалықтармен толығып, білім беру процесінің модернизацияланған қалпын байқатады.