«Сызықтық алгебра» пәнінен 5В070500 – «Математикалық және компьютерлік моделдеу» мамандығының студенттеріне арналған. «Сызықтық алгебра» пәні матрицалық есептеулер, комплекс сандар, көпмүшеліктер мен топтар, сақиналар мен өрістер секілді алгебралық құрылымдарды қолданатын барлық математикалық пәндердің негізін құрайтын болғандықтан математикалық және компьютерлік модельдеу мамандарды дайындаудағы іргелі пән болып есептеледі. Пәнді оқытудың негізгі мақсаты: матрицалар мен анықтауыштар теориясының, комплекс сандар өрісінің, көпмүшеліктер сақинасының негізгі ұғымдарын, сызықтық алгебралық теңдеулер жүйелерін шешудің негізгі әдістерін, сызықтық кеңістіктер теориясының негізгі ұғымдары – сызықтық тәуелділік, ранг, сызықтық кеңістік, сызықтық және бисызықты түрлендірулерді студенттерге түсіндіру болып табылады.