Оқу құралы 5В07200 – «Бейорганикалық заттардың химимялық технологиясы» мамандығының студенттеріне арналган. Қазақстан Республикасының негізгі экономикалық және әлеуметтік бағыттарында өзгеруі өнеркәсіптің барлық салаларының, оның ішінде тау-кен, химиялық, қара металургиялық, түрлі-түсті металургия, сирек және асылзатты металдық, алтын және алмас өңдеу мен тағы басқа өндірістердің озық қарқынды дамуымен белгіленеді. Республикамыз минералды шикізатты қорларға өте бай. Осыған байланысты, минералды шикізатты кешенді толық қолдану еліміздің өнеркәсіптерінің барлық салаларының жедел дамуының қажетті және өзекті мақсаты болып табылады. Пайдалы қазындыны қазып өндіруін жоғарылату тау-кенді өндірістерді жаңарту, техникалық жабдықтандыру, құрылыс жұмыстарының өте үлкен көлемді орындалуын талап етеді. Қазақстанда 100-ден астам пайдалы қазындылардың туынды орындары ашылған. Осыған орай, қазіргі уақытта, пайдалы қазындыны қазып өндіру мен жер бетіне шығару минералды-шикізатты кешеннің ең соңғы кезеңі емес, яғни түрлі салалы өндірістерінде дайын немесе мақсатты өнім алу еліміздің экономикасының тұрақты дамуын белгілейді де минералды шикізаттардың тиімді және кешенді қолдануын талап етеді. Осы мақсатты мәселелерді шешу үшін тау-кенді және байыту өндірістердің мамандарының жігерліктері бағытталынған.