Ұсынылып отырған электрондық оқулық университеттер мен педагогикалық институттардың “математика” мамандығы студенттерiне арналған. Оқу құралында “Математиканы оқыту әдiстемесi” пәнiнiң бағдарламасына сәйкес мектептегi тригонометрия бөлiмiн оқыту әдiстемесi қарастырылған. Қазiргi кезде мектеп бағдарламалары және оларға сай жазылған оқулықтар жиi өзгерiске ұшырап отырғандықтан, бiз қандай да бiр оқулықты негiзгi етiп басшылыққа алмадық. Сондай-ақ оқу материалының әрбiр сыныптағы баяндалуы мен оқытудың әдiстемелiк ерекшелiктерiне айырықша тоқталған жоқпыз. Тұтастай алғанда қандай да бiр тақырып қана емес, белгiлi бiр тақырыпшаның, оның ұғымдарының, ереже-заңдылықтарының теориясы, мектеп курсына енгiзiлуi мен баяндалуының көптеген өзiндiк ерекшелiктерi болады.