Оқулық 5В075300, 6М075300 – Балқуы қиын бейметалл және силикатты материалдардың химиялық технологиясы мамандығының ТОБ талаптарына және оқу жұмыс жоспарына сай құрастырылған. Бұл оқулықтағы мәліметтер бойынша лекциялық сабақтарды өткізуге, технологиялық есептерді шығаруға, технологиялық схеманың негізін және тұтастырғыш материалдарды және бұйымдарды өндіру тәсілін үйренуге болады. Оқулықта пәннің негізгі бөлімдері: ауалық тұтастырғыш заттардың, арнайы цементтердің, асбестцемент бұйымдардың, силикатты бетон мен кірпіштің, ауыр бетонның, құрғақ құрылыс қоспалардың жіктелуі, құрамы, шикізат материалдары, өндіру технологиясы, технологиялық процестерді жүргізу жолдары, олардың қасиеттері, гидратацияланып қатаюы, төзімділігі көрсетілген.