Оқу құралы 5В072000- «Бейорганикалық заттардың химиялық технологиясы», 5В072100-«Органикалық заттардың химиялық технологиясы» мамандықтарының студенттеріне арналған. Химия - химиялық құбылыстардың өту кезеңдеріндегі жалпы заңдылықтарды тағайындайды, химиялық реакция кезіндегі энергияның түрленуін зерттейді. Қазіргі кезде химия мамандығын дайындауда және олардың ғылыми танымдылығын өсіруде, жан-жақты жетілдіруде, бұл пәннің маңызы өте зор. Сонымен бірге, химия және химиялық технология өнідірістік кезеңдерін дұрыс бағдарлай білуге зор ықпал жасайды. Студенттер лабораториялық жұмыстарды орындау барысында олардың орындалу әдістерімен және теориялық мағлұматтарымен тереңірек танысады. Нәтижесінде заттар туралы нақты мәліметтер жинақтайды. Тәжірибелік мәліметтерге талдау жасай біліп, осыларды негізге ала отырып, сәйкес қорытындылар жасай біледі.