Жоғары оқу орнына дейінгі дайындық орталығы жаңалықтары

М. Әуезов атындағы ОҚУ-дың Жоғары оқу орнына дейінгі дайындық орталығының басшысы Камалдинов Рахымбек және дайындық орталығының оқытушысы Жұмағұлов Нұркен кәсіби бағдар беру, орталыққа жаңа оқу жылына тыңдаушылар тарту, фаундейшн бағдарламасын жүзеге асыру мақсатында Өзбекстан еліне іссапармен барды. Ауыл-аудандардағы, қалалардағы мектеп-интернаттарына барып, М.Әуезов атындағы ОҚУ-ын таныстырып, оқытылатын мамандықтарды түсіндірді. Сонымен қатар, Өзбекстандағы қазақ мәдени орталығының төрағасы Үсенов Серікбай Назарұлымен де кездесті. Ташкенттегі М.Әуезов атындағы ОҚУ-дың филиалына да барып, болашақ Шымкенттегі іргелі оқу ордасында оқығысы келетін жастарға  түсіндіру жұмыстарын жүргізді.