5В030100 «Римдік құқық» ұғымы Римнің антикалық құқығын, Рим мемлекетінің құл иеленушілік формациясының құқығын білдіреді. Бұл мемлекеттің даму тарихы және барлық римдік құқық жүйесі жалпы шетел мемлекеттері және құқығы тарихы курсы құрамында зерттеледі. «Рим жеке құқығы негіздері» курсының зерттеу пәні мүліктік құқықтың маңызды институттары (осыған байланысты, сондай-ақ отбасы құқығы) болып табылады. Осы оқу курсының шеңберінде тек рим жеке құқығын, оған кіретін компонентерді енгізе отырып зерттейміз.