Ұсынылып отырған оқу құралында қазақ тілі мен әдебиеті мамандығы бойынша «Қазақ тілінің стилистикасы» пәнінен лекциялық тақырыптардың мазмұндары, жаттығу жұмыстары, тақырып бойынша өзін-өзі тексеру сұрақтары, тірек ұғымдар және тест сұрақтары берілген. «Қазақ тілінің стилистикасы» пәнінен жазылған оқу құралы оқытушылар мен студенттерге арналған. Алдарыңыздағы кітап – жоғары оқу орындарының филология факультеттерінде жүргізілетін «Қазақ тілінің стилистикасы» курсы бойынша оқу құралы. Стилистика – тіл мамандарын дайындайтын факультеттердің бәрінде оқылатын негізгі пәндердің бірі. Оны оқытудың теориялық та, практикалық та маңызы зор. Курстың мақсаты – студенттерді стилистиканың негізгі мәселелерімен, стильдерді тілдік ұйымдастыру ұстанымдарымен, тілдік құралдарды сөйлеуде қолдану заңдылықтарымен таныстыру.