Жаңалықтар

М.Әуезов атындағы Оңтүстік Қазақстан университетінің Қосымша білім беру орталығы мен Білім беру бағдарламаларының менеджменті орталығы бірлесіп жоғары оқу орындарының ағылшын тілінде сабақ беретін профессор-оқытушылар құрамының біліктілігін және кәсіби құзіреттілігін арттыру мақсатында 2022 жылдың 10-21 қаңтар мерзімі аралығында «Пән мен тілді кіріктіру әдістемесін оқыту» тақырыбындағы біліктілікті арттыру курсын ұйымдастырды.
Курстың тақырыптар аясы:
- үштілді оқу бағдарламасындағы CLIL әдісі;
- кіріктірілген білім бағдарламасы – нәтижеге бағытталған оқу жүйесі;
- ағылшын тілі және бейіндік пәндерді кіріктіріп оқытудың ұстанымдары және тәсілдері;
- оқу мен жазу арқылы сыни ойлау технологиясының стратегияларын кіріктірілген сабақ барысында қолданудың әдіс-тәсілдері;
- жобалап оқыту технологиясын кіріктірілген сабақ барысында қолданудың тиімді жолдары және т.б. қамтыды.
Біліктілікті жоғарылату курстарының бағдарламасы 72 сағатқа жоспарланып, курсты аяқтаған тыңдаушыларға бекітілген үлгідегі сертификат беріледі.