Жаңалықтар

Таяуда облыстық А.С.Пушкин атындағы кітапханада белгілі ақын, жазушы Ырысбек Дәбейдің «Жылқы атылған жаз» атты кітабының тұсаукесері өтті. Аталған шараға біздің Шетел студенттерімен жұмыс жүргізу және ЖОО-ға дейінгі дайындық фаультетінің тыңдаушылары мен аға оқытушылары А.Үсіпов пен Ғ.Қасымхан қатысты.

Кездесуде бір әулеттің басынан өткен талайлы тағдыры арқылы Кеңестік саяси-қуғын сүргінді шынайы бейнелеуге тырысқан жазушының шеберлігін белгілі журналист Өмірзақ Ақжігіт, драматург Сая Қасымбек жоғары бағалап, студент жастар авторға өз көкейлерінде жүрген сұрақтарын қойды.

Кеш соңында Алматыдан арнайы келген ақынға сый-құрмет көрсетіліп, автор өз өлеңдерін оқып берумен бірге, жаңа романының жазылу тарихымен де оқырмандарды таныстырып өтті. Осынау әсерлі де әдемі кештен тыңдаушыларымыз рухани байып, сөз өнеріне деген құштарлығы артып қайтты деген ойдамыз.