Кіру
6B03220 Журналистика
М. Әуезов атындағы Оңтүстік Қазақстан зерттеу университетінің филология факультеті Журналистика мамандығының 2 курс студенті Сейтжан Қасиет Байдуллаұлы 2024 жылдың 26 сәуір күні Астана қаласында өткен "Қазақстан Республикасының Үздік студенті" форумына қатысып "ҚР Үздік студенті" статуеткасы және төсбелгімен маратталды.
Түркістан қаласында Қазақстанның халық жазушысы Шерхан Мұртазаның 90 жылдық мерейтойына орай республикалық эссе байқауы өтті. Түркістан облысы мәдениет басқармасы мен Қазақстан Журналистер одағы Түркістан облыстық филиалының ұйымдастыруымен "Шерхан әлемі" атты республикалық эссе байқауына еліміздің әр өңірінен 60-тан аса студент қатысты. Байқау нәтижесі бойынша Филология факультеті журналистика мамандығының 3 курс студенті Самидин Аружан жүлделі III орынмен марапатталды. Жетекшісі: Журналистика және қазақ тілі кафедрасының меңгерушісі Турабаева Лаззат Калыкуловна.
2022-2023 оқу жылының 10.01–20.01.2023 мерзімі аралығында «Журналистика және қазақ тілі» кафедрасының доценті, ф.ғ.к. Г.Ө.Танабаева М.Әуезов атындағы ОҚУ базасында «Қазақ тілі» пәнінен «Заманауи оқыту технологиялары» курсы бойынша біліктілігін жоғарылатып, 72 сағат көлемінде сертификатқа ие болды
Кафедраның профессор-оқытушылық құрамы 2020-2021 оқу жылында жылы 58 мақала жариялады. Олардың ішінде 1 – алыс шет ел конференциясында, 1 – ҚР Білім және ғылым саласындағы Бақылау комитеті мақұлдаған журналдарда, 32 – ҚР халықаралық конференция материалдары жинақтарында, республикалық «Қазақтану» ғылыми журналында - 3, республикалық әдістемелік ғылыми-педагогикалық «Жаңа ғасыр ұстазы» журналында - 1, 20 – республикалық конференция жинағында жарияланды.
6В03220- журналистика білім беру бағдарламасы бойынша ғылым, білім беру және жоғары білікті мамандар даярлау саласында өзара тиімді іскерлік ынтымақтастықты құру негізінде меморандум жасалды. Мекемелермен бірлесе отырып кәсіби білім мен шығармашылықты ұштастыра отырып, білім алушылардың өндірістік практикадан өтуі қарастырылған. Кәсіби практика бойынша келесі өндіріс орындары: «Егемен Қазақстан» республикалық газеті, «Айқын-Литер» республикалық газеті, «Хабар» агенттігі, «Түркістан» медиа холдингі, «Оңтүстік Қазақстан» газеті, «Южный Казахстан» газеті, РТРК «Онтүстік» телеарнасы, Отырар телеарнасы, «Шымкент келбеті», «Панорама Шымкента» газеттері және «HAN-TV», телеарнасымен келісімшарт жасалған.
Журналистика білім беру бағдарламасы студенттері академиялық ұтқырлық негізінде келісімге сәйкес ҚР ЖОО-ға бір семестр көлемінде білімін жалғастыра алады. Бұл тек білім беру мақсатында, білім алушылардың кәсіби білім деңгейін көтеру, іс-тәжірибе алмасу мақсатында өткізіледі.
Студенттеріміздің басқа оқу орындарында білімдерін көрсете отырып, университетіміздің беделін арттыра алады. Білім беру бағдарламасы бойынша студенттерге қолдау көрсету. Академиялық алмасу бағдарламасы аясында 6В03220-Журналистика білім беру бағдарламасының ІІІ курс студенттері Леспаева А., Жолдабек Қ. 2022-2023 оқу жылының 6 семестрін С.Демирел атындағы университетінде білімін жалғастырмақ.
«Журналистика және қазақ тілі» кафедрасының оқытушылары мектеп бітіруші түлектермен кәсіптік бағдар беру жұмыстарын жыл бойы жүргізіп отырады. Мамандық таңдауда бітіруші түлектерге дұрыс бағыт беріп, үгіт-насихат жұмыстарын жүргізеді.
Сонымен қатар, біліктілікті көтеру, мамандарды даярлау, ғылыми еңбектерді жарыққа шығару үшін ҚР ҰҒА А.Байтұрсынов атындағы Тіл білімі институтымен, әл-Фараби атындағы ҚазҰУ Филология, Журналистика факультеттерімен және облыстық Тілдерді дамыту басқармасымен, қалалық қазақ тілін оқыту Орталығымен бірлесе жұмыс істейді.
