Университетіміздің Әскери Кафедрасында "Ашық есік" күні өтті

Отан қорғаушылар күні мен «М.Әуезов атындағы ОҚУ» КЕАҚ әскери кафедрасының құрылғанына 60 жыл толуына орай, Ұлттық қасиетіміз бен Ұлттық құндылықтарымызды ұлықтайтын, азаттық сүйгіш, рухы биік, намысы берік жастарды тәрбиелеу, ақпараттық-имидждік жұмыстың негізгі күш-жігерін, Қазақстан Республикасы Қарулы Күштерінің қызметін, Жоғарғы оқу орнының жетістіктерін насихаттау, әскери бөлімдердің жеке құрамының күнделікті әскери қызмет ережелерімен таныстыру мақсатында 2023 жылдың 28 сәуірінде «М.Әуезов атындағы ОҚУ» КЕАҚ әскери кафедрасында Шымкент қаласындағы орта және орта-арнаулы оқу орындарының бітіруші сынып оқушылары мен Түркістан облысының аудандары мектептерінің 1500-ға жуық оқушыларымен «Ашық есік» күні өтті. Оқушылардың назарына Қазақстан Республикасының Қарулы Күштері, Жоғары оқу орны туралы видеороликтер, әскери кафедраның әскери оқу техникалары мен оқу қару-жарақтары ұсынылды және буклеттер таратылды. Іс шара барысында оқушылар ЖОО оқытатын мамандықтарға қызығушылық танытып, осы ЖОО оқуға тусуге ниеттерін білдірді.