Жаңалықтар
«ҰРПАҚТАР САБАҚТАСТЫҒЫ – КЕМЕЛ БОЛАШАҚТЫҢ КЕПІЛІ»
- Қаралды: 23
Бүгін университетімізде осы тақырыпта керемет тағылымды кездесу өтті. Оқу ордасының профессор-оқытушылар құрамы, студенттер қатысқан іс-шараға өмір және еңбек жолы өнегелі, ғылымда өз қолтаңбасы бар, ұрпақ тәрбиесіне орасан зор үлесін қосқан ардагер-ұстаздарымыз шақырылды. ҚР мемлекеттік сыйлығының лауреаты, а.ш.ғ.д., профессор, құрметті ұстазымыз – Алибаев Нурадин Нажмеддинұлы; ҚР Білім беру ісінің үздігі, Білім беру ісінің құрметті қызметкері, ф.ғ.д., профессор, құрметті ұстазымыз – Тлеубердиев Болатбек Мақұлбекұлы; «Ұлттық құндылықтар академиясы» РҚБ Шымкент қалалық филиалының төрайымы, қалалық ардагерлер кеңесінің мүшесі, құрметті ұстазымыз – Көздібаева Әбилә Көздібайқызы.
Университетіміздің Академиялық мәселелер жөніндегі проректоры Ернар Иманғалиев құттықтау сөзінде жарқын жүздесудің құндылығын атап өтті.
– Ардагер ұстаздарымыз – мәңгілік қазынамыз. Оындай тағылымды ұстын етіп, ұрпақты ұлт тұлғаларына қарап бой үйрететін болсақ біз үшін зор тәлім болары сөзсіз. Өйткені Мемлекет басшысы Қасым-Жомарт Тоқаев Ұлттық құрылтайдың төртінші отырысында сөйлеген сөзінде: «Біздің көрнекті тарихи тұлғаларымыз ұлықтауға әбден лайық. Сөз жоқ. Олардың есімін ел жадында сақтау – перзенттік парызымыз әрі жалпыұлттық болмысымызға тән қасиет», деген болатын.
Университетіміздің өсіп-өркендеуі, бүгінгі биік белестерге жетуі – осында ұзақ жылдар тер төгіп, бар ғұмырын шәкірт тәрбиесіне арнаған ұстаздарымыздың еңбегінің жемісі. Сіздердің білім бен тәжірибелеріңіз – кейінгі буынға бағдаршам, шамшырақ іспетті. Бүгінгі кездесудің әр сәті – тарих. Әр айтылған ой, әрбір ақыл – жүрекке жол тартқан асыл қазына. Бұл — тек кездесу емес, бұл – рухани байланыс, өмірлік тәжірибелер сабақтастығының үлгісі, - деді өз сөзінде Ернар Иманғалиев.
Иә, осындай рухани кездесулер аға буын мен жас ұрпақтың байланысын үзбейтіні анық.
Университетіміздің Академиялық мәселелер жөніндегі проректоры Ернар Иманғалиев құттықтау сөзінде жарқын жүздесудің құндылығын атап өтті.
– Ардагер ұстаздарымыз – мәңгілік қазынамыз. Оындай тағылымды ұстын етіп, ұрпақты ұлт тұлғаларына қарап бой үйрететін болсақ біз үшін зор тәлім болары сөзсіз. Өйткені Мемлекет басшысы Қасым-Жомарт Тоқаев Ұлттық құрылтайдың төртінші отырысында сөйлеген сөзінде: «Біздің көрнекті тарихи тұлғаларымыз ұлықтауға әбден лайық. Сөз жоқ. Олардың есімін ел жадында сақтау – перзенттік парызымыз әрі жалпыұлттық болмысымызға тән қасиет», деген болатын.
Университетіміздің өсіп-өркендеуі, бүгінгі биік белестерге жетуі – осында ұзақ жылдар тер төгіп, бар ғұмырын шәкірт тәрбиесіне арнаған ұстаздарымыздың еңбегінің жемісі. Сіздердің білім бен тәжірибелеріңіз – кейінгі буынға бағдаршам, шамшырақ іспетті. Бүгінгі кездесудің әр сәті – тарих. Әр айтылған ой, әрбір ақыл – жүрекке жол тартқан асыл қазына. Бұл — тек кездесу емес, бұл – рухани байланыс, өмірлік тәжірибелер сабақтастығының үлгісі, - деді өз сөзінде Ернар Иманғалиев.
Иә, осындай рухани кездесулер аға буын мен жас ұрпақтың байланысын үзбейтіні анық.
Егер Сіз қатені байқасаңыз, мәтін бөлігін таңдап, Ctrl+Enter пернелерін басыңыз
