Оқу құралы 5В010600 – « Музыкалық білім » мамандығының студенттеріне арналган . Оқу құралы Қазақстан Республикасының жоғары оқу орындарындағы музыкалы-педагогикалық факультетінің студенттеріне, музыкалық колледждердегі «Музыкалық білім» мамандығын меңгеретін бөлімінің оқушыларына, мектептегі музыка сабағының мұғалімдеріне арналған. Автор бұл оқу құралында болашақ музыка мұғалімін даярлаудағы «Мектептегі музыкалық білім берудің әдістемесі» пәнінің мақсаты мен мазмұнына, пәннің басқа да ғылымдармен байланысына, жалпы білім беретін орта мектептегі музыка сабағына арналған жаңа бағдарламаға тоқталады. Сонымен қатар музыка сабағында қолданылатын хормен ән айту, музыканы тыңдап, қабылдау, музыкалық сауат, музыкалы-ырғақтық қимылдар, балаларға арналған музыкалық аспаптарды қолдану іс-әрекеттері туралы баяндайды. Осы оқу құралының ең күрделі «Балалардың жас ерекшеліктеріне байланысты музыка сабағын оқытудың әдістемесі» деп аталатын тарауында 1-6 сыныптар аралығындағы музыкалық білім берудің әдістемесі, музыка сабақтарын өтудің әдіс-тәсілдері туралы түсініктер беріледі.